الاثنين، 1 يونيو 2009

أيام الكويت

الكويت.. الحب الخالص للتراث

أكثر ما تلاحظه وأنت في دولة الكويت هو الاهتمام الكبير بأمجاد هذه الدولة، وإبراز التراث الخليجي الأصيل الذي يبهرك ويجعلك تشعر أنك تعيش الماضي والحاضر معا في جو من الأمان والسعادة والتطلع.

بعكس ما تلاحظه وأنت في مملكة البحرين وهو الاهتمام الكبير بتدمير أمجادها وإخفاء ما يطفو من التراث الخليجي والهرولة نحو العمران والتعمير ذو الطابع الحديث من دون ترك بصمة تشعرك بماضي هذا البلد العريق والذي يهتم الأجنبي بتاريخه أكثر من أبناءه!
تلك مقارنة غير عادلة في موازينها.
أثناء إقامتي الأخيرة في دولة الكويت وأنا أتسوق في سوق السالمية، أخذت عصافير بطني تطلق صافراتها المزعجة، وأكملت مسيري إلى أن لفت نظري مطعم سمعت عن شعبيته بين الناس، اكتسب شهرته تلك من خلال تقديمه الوجبات الخليجية الشعبية، واتخذ من الطابع التراثي ديكورا، حتى العاملين فيه يرتدون الملابس الخليجية القديمة التي اختفت من بلادنا فلم نعد نراها حتى من المسلسلات الخليجية الأخيرة! ناهيك عن - صباب القهوة - الذي ارتدى الإزار الخليجي القديم ذو المربعات السوداء والرصاصية، وتلك الثوب البيضاء، ولفّ على رأسه الغترة التراثية مما يوحي إليك بأنك في الستينيات من القرن الماضي وهو يحمل في يديه إبريق الشاي ودلة القهوة (ولو أنني تمنيت لو أن العاملين هم من أبناء البلد ليتجسد التراث بأصالته)، إلا أنني لا أنكر مدى ارتياحي لتلك الأجواء التي استرجعت من عمري الكثير.

هذا المطعم حين دخلت إليه أحسست بشعور غريب، مزيج من السعادة والحنين لتراث البحرين المهدوم، مزيج من الحزن والشوق للماضي النظيف والذي تلوث بفضل التقدم.

=====
ترددت كثيرا أن أقول لكم الموقف الذي ختمت به زيارتي للمطعم، وهو الموقف القديم لي والمتجدد دائما ..

فبعد انتهائي من الأكل توجهت لدورة المياه أغسل يدي، وإذا بإحدى الحريم -تهدر وتقرقر على رأسي- وقد استشاطت غضبا وهي تقول: كيف يسمح لرجل بالدخول لدورات مياه النساء!!)
صدقوني... أبدا لم ألاحظ اللوحات، فالبابان متقابلان ولا فرق بينهما !!.

====

(اعذروني على عدم ذكر اسم المطعم .. فصندقتنا لا تعلن ولا تروج لأي مشروع ولا تقوم بالدعاية له).

.

هناك 51 تعليقًا:

حَافِـيَةُ الَقَدمَيّـنْ ولِبَاسِي المَطـرْ يقول...

الموقف الأخير الله يعييينك :×
مشكور أخوي

Manal يقول...

المقال الماضي عن الاحساء

وتشكر عليه

لان لي اهل هناك

:)

ومقال اليوم
عن الكويت
ديرتي حبيبتي
وكل اهلي موجودين فيها

ورفعتني السما يا اخي
:)

شوي شوي

بس
اذا نبي الصراحة

التراث بالكاد تلاحظة في الكويت
لان اغلب الاماكن الاثرية دمرت واهدمت لبناء مباني من الطراز الحديث

وما تراه هو ما تبقى

والحمد لله رب العالمين
اشكرك يا علي على كل كلمة حلوة عن ديرتي واهلي

واهل البحرين
مع اهل الكويت
وباقي الخليج

واحد

:)

طموحة مملوحة يقول...

اخيييييييييييييييييييييييي




فديت الكويت :)



مشكور على موضوع الي يشوق


جان زين انا قديمة :P

سجينة الأحزان يقول...

السلام عليكم

أعجبتني التغطية التي قمت بها بالكويت

جعلتني أتوقف أمام استفهامات كثيرة كل هذا البحرين وأثناء زيارتي لها لا تروق لك و يروق لك تراثها يمكن أنا اذا ذهبت أستمتع بالأشياء الثراثية وأشتريها على الأقل لديكم متاحق للتراث والتعريف يها لكن نحن كقطيفين نطمع بذلك وحتى وان كان يوجد أو لا بالله عليك لم أرى ذلك الا بمهجان الدوخلة حتى اني تهت ولا لا أعرف أي من مصطلحات البحرية ولا الغوص القديمة أي حاله أحكي على الأقل لديكم واحمد ربك عااااااد يا علي

ما قلت ويش أكلت بالمطعم أكيد أكلات قديمة بس لا تقول باﭼـه لأنها تلوع ﭼبدي منها

والمرة الجاية خليها جولة سياحية بالقطيف لأني قمت بعمل موضوع لها بالقروب الخاص بي ...

ودمت بالخير

وكل جولة وانت سالم

تقبل مروري العطر

Deema يقول...

و الله يا علي مادري شاقولك
هل انت حقا مقتنع ان الكويت محتفظة بتاريخها؟

لأن هذا أمر غير واقعي إطلاقا!!

الكويت منذ الستينيات هدمت كل الفرجان القديمة على أمل مدينة المستقبل التي لازالت تبنى، على الأقل لو ظلوا يهدمونها بالتدريج، و هذا قرار لا يحتاج لعبقرية فذة، لكان بقي لنا حس لما مضى، و لما بنوا القرية التراثية من طابوق و سيجما كاذبة لا تنبع منها رائحة الطين أو ملمس صخر البحر..

الحديث عن ظلم الماضي طويل لكن هذا أبسط ما استطيع قوله

شكرا

إمـرأة لا تُنسـى يقول...

أحب البحرين.. وشعبها الطيبين.. المضيافين.. كلما اسمع صوت الفنان البحريني خالد الشيخ اتذكر أيامي اللي قضيتها في ربوعها

اخي الكريم، خل تتغير المباني.. العمران.. الشوارع.. والفرجان.. بس لا تتغير الناس



دمت بخير

SARAH يقول...

مرحبا..
للاسف كل الدول تهتم بتراثها الا احنا

،،،،
اهم شي زيين ماا صرخت وفظحتك بالمطعم
LOOOOOOOOOOOOOOOOOOOOOOOOOOOOOL

ضوء القمر يقول...

ان كنت بدقق

فأكيد مابدقق في الثرات

مع اني احب احظر معارض لكن مااهتم له

بس بالنسبة لأنك تدخل حمام النساء

هههههههه هذا مو من الثرات

موقف ماتحسد عليه

تعيش وتاكل غيره

خديجة البهاويد يقول...

اهم شي الموقف الاخير
هههههههههه

انا صارتلي نفس السالفة بالضبط مع حمام الرجال x)

بس الفرق ان الي داخل ماعصبو كانو مستانسين :q
وانا ميتة من الفشلة

اقصوصه يقول...

عندي احساس اني قريت هالتدوينه قبل

ما اعرف ليش!!

وسالفه دورة المياه هاي مرت علي

طيب ياخي مدام انته نظرك ضعيف جيه

ما سمعت باختراع يسمونه نظارات؟

لووووووووووووووووووول

Seema* يقول...

ارتسمت ابتسامة على وجهي
*عرفت المكان, لا تخف لن أفصح عنه ;P*

موقفك لا تحسد عليه لكن تكبر و تنسى ; )

متهورهً بلطفً يقول...

كل دوله تحافظ ع تراثها وتاريخها بطريقتها الخاصه

ومره ثانيه لاتصفر عصافير بطنك وتدخل حمامات النساء لو سمحت :P

بوست جميل لصندقة سموكم ..

جل احترامي

علي الملا يقول...

جميع من مروا من هنا ..
ألف تحية شكر ومحبة لكم
واعذروني على التأخير في عليكم
ولكن امهلونيب لحين الانتهاء من أزمة الامتحانات لنهاية الفصل الجامعي واعود لكم قريبا


دعواتكم

Manal يقول...

بالتوفيق
:)

Mr_CHoCoLaTe يقول...

عليك بالعافيه ^_^

و اتسائل اذا مريت على متحف الكويت الوطني (تكلمت عنه في بلوقي) راح يعجبك وايد

عرفت المطعم و اؤيدك ان اكله ممتاز ^_^

شهيتني هي هي

مع السلامه

خديجة البهاويد يقول...

بالتوفيق انشاء الله

عباس يقول...

طال عمرك :
ما أدري ليش يبين ليي إنك قاصدنها ( طبعا بحسن نيه )

بس ما دام عندك هالمواهب ليش ما تعلم مجتبى يمكن يخلي عنه انتخابات لبنان وجنون ( جن البلاط )

Paris يقول...

و الله صاج من ناحيه الحين تراث البحرين يهتمون فيه الاجانب اكثر من البحرينيين حتى اذا رحنا قلعه مثلا ما نلاقي اهناك الا الاجانب و هم بعد المتحف نفس الشي و كل مكان فيه تراث ، بس الحمدلله لو تلاحظ انه البحرين احسن من غيرها و فيها اماكن تراثيه بس الشعب نفسهم ما يقصدون هالاماكن و عندنا شكثر آثار و معالم و حضارات

و بالتوفيق في امتحاناتك :)

Life يقول...

شوقتني لزيآرة الكويت
لان كل ما احد يروح الكويت يرجع يمدحهـآ
لاني ولا مرة زرتهـآ
على كلن .. مواقفك المضحكة للكويت لاحقتك :p
وبالتوفيق بالامتحانات ..

علي الملا يقول...

حافية القدمين ولباس المطر

هههه مو زين تطنزون قولوا ياكافي الشر :D


شكرا ولا تقطعينا

علي الملا يقول...

Manal

هههه اي الظاهر هالايام الموجه كلها لصالحكم ان شاء الله داااايما
احنا مانقدر بعد كفاية انتي الحين مدونتج مشهورة مانقدر :D

بحصوص التراث اعرف ان كل الدول تحاول ان تعمل على دثر التراث الذي لا يمثل لها ركيزة كسلطة، ولكن يبقى التفاوت في عملية الهدم موجود بين الدول سيما لدينا في البحرين وربما في السعودية كذلك اكثر من باقي الخليج


شكرا لك ولا تقطعينا رجاء

علي الملا يقول...

طموحة مملوحة

لا لا ليش قديمة خليج جذي لأن لو قديمة جان ما كان عندج بلووووق :D


شكرا لك أنت لأنك هنا
تحياتي

علي الملا يقول...

سجينة الاحزان

الحال كما هو بيننا وبينكم اعرف ذلك لوجود روابط واواصر مشتركة :)

ما اكلت باجة اكلت اكلات راقية بس المطعم بيئته بيئة تراثية لا اكثر حتى اللي يشتغلون فيه ماكو واحد خليجي !!


الجولات في القطيف حدث ولا حرج بس لأني ما كتبت عنها لكن راح اكتب ان شاء الله

في القطيف وايد عندنا اهل ونتزاور معاهم يعني اعتبرها جزء من ديرتي


تحياتي والف شكر لك سيدتي

علي الملا يقول...

Deema

اعرف ما تعنين فعلا وأنا متفق معك سيدتي على أن العمران الحديث اكل ما اكل من العمران الأصيل والقديم .. ولكن كما قلت للاخت منال ..
هناك تفاوت في كمية ونسبة الهدم للتراث بين الدول وتبقى الكويت من الدول الخليجية الاقل نسبة في تدمير حضارتها :)
واعتقد مؤخرا بدأ الكويت تتنبه لهذه النقطة وتدوس بريك شوي


شكرا لك سيدتي ولا تغيبي طويلا

علي الملا يقول...

امراة لا تنسى

جميلة جدا نظرتك لهذه المتغيرات الكونية..
بالفعل .. فتغير نفسيات البشر هي التي يجب أن نعزي أنفسنا بها :)

تحياتي لك ولا تقطعينا

علي الملا يقول...

SARAH

هههههههههههه الله ستر والله بس هي ما قصرت فشلتني

علي الملا يقول...

ضوء القمر

ياااادي الشماتة ياسعد :D

خلاص هذا نعتبره مو من التراث ولا يهمك ;P

علي الملا يقول...

خديجة البهاويد
شفتي شلونا الرجال طيبين :P

علي الملا يقول...

اقصوصة

اي اي هذي المقالة كاتبها قبل الاسلام والحين اعدت صياغتها ونزلتها
والموقف الاخير انا كاتب انه الموقف القديم المتجدد يعني مو اول مرة يصير لي هالموقف كل بسبب التفهي

بس انتي متسببة:P

علي الملا يقول...

seema

ههههه اعتقد كل الكويتيين يعرفونه بس بذمتج يسوى لتغيير الجو لو لا ؟؟

بس الموقف الاخيري ادري ما يسوىى :D

لا تقطعينا

علي الملا يقول...

متهورة بلطف

ان شاااااء الله ولا توصين
بس مرة ثانية خلهم يفصلون الحمامات عن بعض مو ذنبنا احنا الحين شيبنا صرنا ما نميز كل شي :d

علي الملا يقول...

mANAL
و
خديجة

شكرا لدعواتكن لي ووفقكن الله :)

علي الملا يقول...

Mr_CHoCoLaTe
ايوة زرت المتحف وزرت المركز العلمي رائع جدا

اليوم يعني غذاك في المطعم خوووي :d


لا تنسانا من الدعوات الخالصة وانت في حرم المطعم المقدس :d

شكرا لك

علي الملا يقول...

عباس

ترا الشقيق مجتبى يحاول انه يتفكك من انتخابات لبنان اشوفه اليوم كاتب (هذه المرة فقط ) شكله ناوي يحيد عن معتقداته :p

علي الملا يقول...

pARIS

اي والله صادقة ترا احنا المواطنين فينا شي غلط ننسى كل الدنيا وبس يصير لها شي ننتبه ونطلع نصارخ ونحرق تايرات نقول هدموا تراثنا وباقو اوقافنا :D


شكرا على الدعوات الصادقة وانتي بعد بالتوفيق

علي الملا يقول...

Life

خلاص ولا يهمك المرة الجاية تزورينها وتروحين هذا المطعم وتذكريني هناك لما تدخلين
بس اهم شي تقرين النية قبل الدخول :P

بالتوفيق انتي بعد وشكرا

عفره يقول...

فشللللللللللللله
ذكرتني بموقف اختي
عكسك ادخلت حمام ريايل و كنا باوروبا
بس الحمدالله انه محد انتبه لها و اظن حتى لو احد انتبه مااااارااااح يسون شي كثر فشيلتها اهيا الي تمشي و مجندسه رااااسها موراضيه ترفعه

ابي اعرف اسم المطعم شوقتني
:D

علي الملا يقول...

عفرة خانم

ههههههههههههه عجتني مجندسة عبالي بس احنا البحرين نقولها اشوه طلع في غيرنا يقولونها :d

الحين مال الامارات والسعودية بيسألون شنو تطلع هذي برزي روحج حق تجاوبيهم :D


المطعم في السالمية يا ستي قريب المرينا بس من ورا مو على شارع الخليج ..
اكثر من جذي ماقدر اسوي دعايات مجانية إلا اذا بيدفعون لي فلووووووووووووووس :D

اول اقول لج حل؟؟
اطبعي المقال وروحي لهم قولي لهم يخفضونج في الطلبية مقابل المقال :D

عفره يقول...

علاااااوي :
توني ادري انك بحريني @@
لوووووول كل هذا و عبااالي انك ولد ديرتي
ياهلا ومرحبتيييين بأهل البحرين والله
اكشخ منو قدي عرفت احد من البحرين
(وحده ترقص)

زَهـرَاءْ يقول...

دُول لَديها التُراث شيئ أشبه بِالتقديس ..

ودُول أُخر لا تؤمِن بِه حَتى ..

.......

كثر من المواقف المُحرجة ..خخخ
ترى مرة كنت بَسويها اول ايام دوام بالجامعه ..

بس طلع في وجهي نفر ..

الله لا يراويك ملامحه ولا ملامحي ..

- مسامحة الشيخ شكلي غلطانه

وعلى طووول مشيت ..

بعدين لما جيت بدخل السكشن .. الا اشوفه في وجهي ..

- لا بالله فلحنا .. طول الكورس بشوفه !!


وانتهى الكورس ع خير ..



..........

الكويت بنمرها كم ساعه قبل ما ننزل للبحرين ..

فسلام الله على الوَطن مِن كُل البِقاع ..


دعواتكم..

علي الملا يقول...

عفرةخانوووم
صح النوووووم :P

مرحبا فيك والبحرين والكويت اهاليهم واحد ماكو فرق بينهم في وايد اشيا يتشابهون فيها في العادات والتقاليد
والكويت ديرتي الثانية :)

شووووكررررن

علي الملا يقول...

زهراء


الكويت ما يصلح تنزلين فيها ترانزيت بس يبي لك تنزلين تتجولين فيها شوي راح تعجبك !!

الله يردك بالسلامة وكل عام وانت بخير :)

شكرا لزيارتك هنا ولا تقطعينا

احساس انثى يقول...

صباحكـ سعادهـ ^^

يازين الاهتمامـ بالتراثـ لكل بلد

مشكور اخوي على هالمقال^^
،
،

وبالنسبهـ للموقفـ فشيلهـ,ذكرتني

بموقف كذا بس اللهـ لايعيدهـ دخلتـ

بالغلط نفس الحالهـ :)

،،
تحياتي

Makintosh يقول...

هههههههههه حسافه ماكنت انا هالحرمه الي زفتك :PPP

وترى ماعندنا تراث الا بجم مكان ولا مو الكل يروح لهم :)))

علي الملا يقول...

احساس انثى

هههه موزين الشماتة ياسعد :(


:p


شكراااا

علي الملا يقول...

mAKINTOSH

انتي وحدة متسببة لكن بصير لك يوم واشمت عليج :P

وان شاء الله انا اللي بكون دوري ازفففففج :P

Hussain.M يقول...

السلام عليكم،
موفق في قراءاتك للأجواء ..
بالنسبة لي أشعر بالإرتياح في البحرين القديمة، عندما أذهب إلى هناك لا إلى العُمران الجديد، هناك بدأت أشعر بأن الحياة ستصبح كلها جديدة وتولد من جديد، وكأنهم يستأصلون تاريخهم ..

علي الملا يقول...

Hussain.M

تسلم لي يالغالي والله انك قرأت ذاتي بتفاصيلها :)

الف شكر لك على التواصل ولا تقطعنا

Sn3a يقول...

اول شي نورت الكويت ياخوي
ثاني شي يتروالك!

بالكويت للاسف في ناس يحبون التطور لدرجه انهم يكرهون التراث
صحيح في اشيا تراثيه
لكن مافي اهتمام بالطريقه المطلوبه

للاسف اللي ماله اول ماله تالي
وماممكن ان احنا نبني باجر قبل لانتعلم من امس
لكن هالشي قاعد يقل الى ان بدا يصير نادر

الاهتمام بمجمعات التسوق
صار اكثر من الاهتمام بتراثنا وتاريخنا

حتى التعليم بدو يشيلون من مناهجنا بعض القصص والاحداث


عليك بالف عافيه عالمطعم
وامسحها بويهنا على اللي تحلطمت عليك

علي الملا يقول...

أفا Sn3a
ليش امسحها بويهكم؟
محشومين وغالين اخوانا اهل الكويت واهل ديرتنا :)

حُـبي السَـرمدي يقول...

ههههههههههههههه وش سالفتك انت ويا حمامات النسوان هههههههههههههههههههه


حاسب مرة ثانية لو جود روحك لا تدخل الحمام :P